Powiym Ci że dycki miałach problym coby sie porzōndnie wyspać. Rōncz mie bele co budziyło w nocy, wczas rano też już za bardzo nie szło oka zmrużyć, co drugo noc jakiś pofyrtane bałamonty mi sie śniyły… A potym bez dziyń sztyjc mie spani brało. Darymne, trza było jakoś tymu zaradzić.
A ku tymu obocz moi knify, jak też Ci doskwiyro niecherski spani to na zicher Ci sie to sprzido
1. Nie nerwuj sie tela. Jak człowiek chodzi zestresowany i tyro cołki dziyń to siarōnym ciyżko sie potym wyłączyć i zdrowo pospać. Czy te wszyski duperszwance rychtyk som taki ważne? Dej se pokój, za pora miesiyncy ani nie bydziesz o tym pamiętać…
2. Miyj porzōndny materac i zocno poduszka. Ni ma mowy cobyś sie wyspoł na wąskij, trzeszczącej wersalce. Rałs z takimi klamotami!
3. Nie pij kawy na wieczór. To sie tyczy też kaj jakich napojów pobudzających, w tym… zielonego tyju. Ta herbata lepszy se zaparzić do połednia.
4. Przeluftuj se porzōndnie sypialnia.
5. Niechej komputer i telefon fōrt przinajmniyj na godzina przed spaniym. Niech Twoja głowa wiy że to już szlus na dzisio i trza sie szykować do spanio.
6. Pogoś wszyski światełka z urządzyń i zasłoń dobrze okna cobyś mioł ćma. Skiż tego organizm sie nojlepszy regeneruje.
7. Siedni se a zaczni pomału dychać, nic wiyncy. Nie kombinuj już nad niczym i postarej sie wyciszyć. Jak chcesz to se puś jako spokojno muzyka.
8. Na fajrant mój niezawodny knif nad knify – MASAŻ STÓP! Obocz co sie bydzie dzioło jak Ci kiery fajnie szłapki wymasuje!
To yno nikiere z roztomajtych zocnych knifów kierymi sie idzie poratować coby lepszy spać. A jaki som Twoi?
at
Jeszcze magnez, oczywiście 🙂 Niedobory tego minerału też sprawiają, że człowiek niespokojnie śpi.