Zocno tarta z malinami i syrkiym mascarpone
Fyrlok

Zocno tarta z malinami i syrkiym mascarpone

Do tych co se lubiōm pomaszkecić, wusztu tu nie uznocie!

Składniki na kruche ciasto:
  • 300g mąki pszynnej (ze dwie wiyksze szolki)
  • 150g łomasty
  • 1 jajco (jak dowōm trocha wiyncy mąki to zawczasu dowōm też dwa jajca)
  • 3 łeżki cukru pudru

Składniki na krym:
  • 1 opakowani mascarpone 250g
  • 250g śmietōnki 30%
  • 2 łeżki cukru pudru
  • maliny, bodzimki abo co tam wolicie

Zocno tarta z malinami i syrkiym mascarpone

No to chytomy sie roboty!

1.  Do mąki wciepujymy 3 łeżki cukru pudru i pokroto w kostka zimno łomasta. Tak długo gniecymy aż sie zrobiōm okruchy. Dodowōmy jajco, gniecymy na nowo i kulomy ciasto. Tako kulka wrażujymy do lodówki na 30 minut.

2.  Ruła rozgrzywōmy do 180 stopni. Ciasto przekłodōmy do okrągłej brytfany i po leku wylepiomy forma. Dziubiymy ciasto widełkōm coby sie dobrze upiykło i podychało w piekaroku.

3.  Pieczymy kole 15 – 20 minut aż sie ciasto zabronoci.

4.  Mascarpone fyrlomy z cukrym pudrym, sztamfujymy śmietōnka na sztywno i miyszomy do kupy. Masa wykłodōmy na przestudzone ciasto. To je fest ważne żeby tego nie wykidać na gorki spód bo nom sie wszysko rozbaćko i tela bydzie.

5.  Na wyrchu ukłodōmy bodzimki abo jaki inksze owoce.

Pamiyntejcie, składniki dycki idzie trocha onaczyć, dać trocha wiyncy łomasty abo dosuć mąki jak Wom wyńdzie za mało. Jo na przikład dowōm wiyncy cukru pudru bo se fest lubia pomaszkecić.

Nie starejcie sie, pieczyni to ni ma nic ciynżkigo!

Dodaj komentarz