Fyrlok, Tak rychtyk

Ziorka banie – nojlepszo przegryzka!

Dzisio bydzie o ziorkach z banie 🙂 Piyrwyj nie za bardzo przałach tym przegryzkōm, ale jak pociepłach maszkety, to trza było se to czymś zastąpić.

Wiysz że te zielōne ziorka majōm moc witamin?
  • Ôbocz: witamina E, C, K, D, witaminy z grupy B… Jak zocne to som wartości aji nie godōm.
  • Potym minerały: magnez, żelazo, cynk i potas.
  • Za to beta karoten wspomogo ślypia beztuż jak se chcesz poprawić widzyni to ziorka banie to je mus!
  • No i kwasy, procno rzecz. Dynia mo kupa nienasyconych tłuszczy, co dbajōm o serducho i kaj jaki procesy naszych organizmów.

Ziorka banie - nojlepszo przegryzka!

Ziorka banie mogōm zdziałać moc dobrego!
  • Poprowiajōm stan paznokci, cery i włosiąt beztuż jak kobitki chcōm mieć fajnisto skóra to trza by dziynnie pojodać ziorka, choby yno po trosze.
  • Ci co by chcieli mieć mocny wzrok, zęby i kości to też trza by dziynnie jeś gorść ziorek, spłaci sie jak nic.
  • Co interesantne, dynia działo też antynowotworowo.
  • Gynał to samo z miażdżycōm i ciśnieniym – bania zocnie wspomogo przepływ krwie beztuż nie robiōm sie złogi w tętnicach.

Ziorka banie - nojlepszo przegryzka!

To co, od dzisio ziorka banie do asjetki i na stół? Raus z paluszkami, chipsami i ciasteczkami!
Miyj pod rękōm na widoku zielōne ziorka to Ci wlezie w nawyk zdrowe przegryzani.
A jak Ci nie szmakuje, to przemyć ziorka – zmiel i dosuj do koktajlu, jogurtu eli do zupy. Jo se dycki rano pija z miodym, cimtym i pomlytymi mandlami. Pycha 🙂 Mogesz też sprawić se olej z ziorek, procno rzecz! Dbej o sia!

Ôstŏw ôdpowiydź