Weekend we Wrocławiu - rajza po świyży luft!
Rajzy

Weekend we Wrocławiu – rajza po świyży luft!

Były my dwie, jo i kumpela poznano na rajzie w Hiszpanii. Piyrsze chciałach Agatki wyciōngnyć na impreza paralotniowo pod Poznaniym ale w końcu stwiedziyłach że mi sie nie chce tak daleko do gorolowic jechać i w końcu pojechałach do Wrocławia. Tam tyż gorole ale co poradzisz 🙂

Dołączyli do nas kumple Agaty, też paralotniorze. Iberaszōng! 🙂

Weekend we Wrocławiu - rajza po świyży luft!

W sobota jak sie już zećmiyło Agata wziōna nas na dach opuszczonego ogromnego kompleksu parkingowego
Taki wielgachny straszok stoi praje że w cyntrum miasta i straszy. Ale trza prziznać że obrozki były zocne że hoho! Widok na miasto z kożdej strony w nocy robiył ganc procne wrażyni.

Potym my trocha popiyli na miyszkaniu i ruszylimy na miasto. Na szczyńści żodyn sie za fest nie ożroł beztuż problymów na mieście nie było. Pobawiylimy sie w roztomajtych szynkach aż nas zmorzyło i wziyno spani. Pojedlimy lecyjako  w McDonaldsie (przebocz mi wątrobo…) i kożdy sie rozjechoł w swoja strona.

Weekend we Wrocławiu - rajza po świyży luft!

Na drugi dziyń stanyły my rześki i rade że pogoda je dobro bo zaros z rana wybyłymy na miasto
Piyrsze co to Sky Tower – wjechałymy windōm na 49 piętro podziwać sie na Wrocław, tym razym bez dziyń. Też było zocnie! Wrocław ni ma tak gysto zabudowany jak Kraków, miyndzy familokami je moc miejsca a do tego szczyńściorze majōm kupa zielyni.

Weekend we Wrocławiu - rajza po świyży luft!Potym kafyj na droga i my se szpacyrowały bele kaj. Jaki świyży luft majōm w tym mieście! Niebo a ziymia w porównaniu z Krakowem… A krasnalki jaki szykowne!

Weekend we Wrocławiu - rajza po świyży luft!
Zwiedzani zwiedzaniem ale nojbardzi to jo sie ciesza że byzuch sie udoł, zocnie my se z Agatą poklachały i fajnie spędziyły czas. Dzięki dobry duszku!

2 comments

  1. Patyczek

    7 listopada 2016 at 9:45 po połedniu

    Pieronsie takij to dobrze sztyjc kajś lotać- ale wiysz że jo Ci życza przeca;*

  2. Inkszo

    8 listopada 2016 at 7:39 rano

    Latoś i tak mało było tego jeżdżynio, dycko wiyncy trefiyo sie bujać tu i tam. No ale wiysz jak je. Pozdroo, widzymy sie w weekend! 🙂

Ôstŏw ôdpowiydź