Syrnik z fyrzichami
Fyrlok

Syrnik z fyrzichami

Składniki na ciasto:
  • 3 szolki mąki
  • 25 dag łomasty
  • 5 żółtek
  • 2 łeżki cukru
  • łeżyczka bakpulwru

Składniki masy syrowej:
  • 50 dag tłustego biołego syra
  • żółtko
  • tytka budyniu waniliowego
  • 1/2 szolki cukru
  • tytka cukru waniliowego
  • 1/2 kostki masła
  • puszka brzoskwiń

Pianka na wyrchu:
  • 6 biołek
  • 3 łeżki cukru
  • łeżka mąki ziemniaczanej

Syrnik z fyrzichami

Ciasto

Masło utrzyć z cukrym, na fajrant dodać po kolei żółtka. Do miszōnga dosuć mąka i bakpulwer i zagniyść ciasto. Podzielić go na dwie części i jedna wsadzić do zamrażarki na jaki pół godziny a drugōm częściom wylepić forma.

Syr

Zemlyć dwa razy co by był blank mięciutki. Jak sie nie chce to yno roz. W ostateczności idzie też kupić gotowe korytko z syrym ale to już nie bydzie to samo. Masło utrzyć z cukrym, cukrym waniliowym i żółtkiym. Połączyć miszōng z syrym. Na koniec masa wymiyszać z budyniym.

Fyrzichy 

Osączyć z zalywy. Na ciasto wkidać syr a na wyrchu ułożyć połówki fyrzichów. Biołka ubić a na koniec dosuć cukier. 

Ufyrlać piana z mąką ziemniaczaną i po leku, równo wyloć na fyrzichy. Na wyrch zetrzyć drugo czyńść ciasta z zamrażarki. Piyc koło godziny w 180 stopniach.

Trocha roboty z tym je ale syrnik je ganc zocny beztuż nie pożałujesz!

Syrnik z fyrzichami

Dodaj komentarz