Ślōnski słowa kiere omajlant używom a kierych możesz nie znać
Tak rychtyk

Ślōnski słowa kiere omajlant używom a kierych możesz nie znać

Skiż tego że zaglondajōm tu nie yno Ślōnzoki, narychtowałach lista trudniejszych słówek kierych używom i kiere nie som taki oczywiste.

Nikiere roztomiyłe gorole majōm mie biyda zrozumieć ale nie starejcie sie! Wszystko przidzie z czasym.

No to jadymy!

  • Omajlant / sztyjc / jednako / rōncz – stale, bez ustanku.

Jo na przikład sztyjc pija tyj bo mi je omajlant zima. Kobitki na zicher rozumiōm o co sie rozchodzi…

  • Mecyje – kaj jaki problymy eli coś co Ci uprzikrzo żywot.
Mogōm to być tyż roztomajte przigody, dycki niefajne. Miołeś ostatnio jaki mecyje w robocie eli doma?

  • Iberaszōng – niespodzianka.
Coś czymu fest przaja pod wiela iberaszōng je pozytywny 🙂

Ślōnski słowa kiere omajlant używom a kierych możesz nie znać

  • Duperszwance – coś nieważnego.
Jak sie dycki przejmujesz jakimiś duperszwancami to pociep tyn niecherski zwyk – szkoda życio!

  • Niechać – przestać, odłożyć coś.
Idzie niechać kurzyni cygaretów eli idzie tyż niechać smartfon fōrt i podrzistać zocnie z kumpelą przi obiedzie na korpo – szychcie.

  • Niecherski – zły, niefajny, niezdrowy.
Tak rychtyk wszysko może być niecherski, od pogody, przez ôbiod, aż po szefa.

Ślōnski słowa kiere omajlant używom a kierych możesz nie znać

  • Nieskoro – późno.

Do mie nieskoro na wieczór to jak je dwanoście na zygorze skuli tego że lubia se legnyć o dziesiątej.

  • Nie śmia – ni moga.

  • Kabociorz – taki pieron co to trza se na niego dać pozór.
Kabociorze to fałszywi ludzie beztuż jak takigo spotkosz to zaros gibko citej!

  • Kludzić sie – przeprowadzać sie eli godać coś.
Mie sie sztyjc przidarzo sie przekludzić beztuż to słowo je mi bliski i zocne 😀
Kludzić tyż godała moja babcia jak sie odnosiyła do tego, że kieryś coś tam padoł, dycki tak trocha bez pomyślunku… 🙂

  • Lebioda – kieryś słaby, lichego zdrowia.
Mom pora takich kamratów w robocie co to sztyjc lamyncōm że sie niechersko czujōm. Do tych co tak sztyjc labiydzōm na zdrowi, polecom procne knify.

  • Obsztalować – przygotować, planować.
Jo jednako sztaluja jaki nowe rajzy a Ty?

Ślōnski słowa kiere omajlant używom a kierych możesz nie znać

  • Po leku – pomału.
Po leku ale dziynnie a hned bydziesz widzieć rezultaty!

  • Poradzić – umieć.
Poradzisz dobrze godać po ślōnsku?

  • Przaja tymu! – to godom jak coś fest lubia.
Przaja rajzom nojbardzi na świecie!

  • Rychtować – przygotować.
 Ida se zaros narychtować tyj z imbirym bo mi je zima i chca sie kapka rozgrzoć.

Ślōnski słowa kiere omajlant używom a kierych możesz nie znać

  • Szlabikować  pisać.

Szlabikuja Wom tu o roztomajtych roztomajtościach! 😉

  • Smola to – olywōm coś, nie przejmuja sie.
Smolić trza przede wszystkim duperszwance!

  • Szpas – przyjemność, rozrywka
Lampka wina kaj na jaki ciepłej wyspie jak w Polsce pogoda już je niechersko… To je dziepro szpas!

Dej znać jaki jeszcze słówko trza by objaśnić, założa sie że sie znojdzie niejedno!

4 comments

  1. mrek

    Wrzesień 2017 at 1:37 pm

    A jo się nawet wetna, że jeszcze wiela tego je😉

    1. Wrzesień 2017 at 1:59 pm

      Mosz rycht! Jeszcze moc roztomajtych słówek idzie nawynokwiać 🙂

  2. Wrzesień 2017 at 11:14 pm

    A u nas na Podkarpaciu też się używa:rychtowac, mecyje i lebioda. Trudny ten ślonski haha

    1. Wrzesień 2017 at 6:05 am

      A co jeszcze za ciekawe słówka mocie na Podkarpaciu? Ślōnski bywo trudny, to racja. Jakbych sie urodziyła kaj indzi to bych miała biyda poradzić zrozumieć Slōnzoków 😉
      Widziałach że Was nosi po świecie i rajzujecie zocnie, bardzo dobrze! Tak trzimać!
      Powodzyniooo 🙂

Dodaj komentarz