Skōnd sie wziyna moda na selfie?
Tak rychtyk

Skōnd sie wziyna moda na selfie?

No dyć, skōnd i czamu te selfie?

Piyrsze selfie było zrobione już w 1839 przez chymika Roberta Corneliusa jak sie bawiył z obiektywym. Kto by wtedy pomyśloł że za małowiela 150 lot wyonaczy sie tako kultura selfie…

Na internetach idzie znejść moc knifów jako se zrobić zocne selfie, facebook zalywo fala takich knipsów z ręki i ni ma chyba nikogo coby nie słyszoł o sławnym selfie.

Ale czamu to je teroz taki modne?
  • Wszyjscy majmō teroz dostęp do internetu i panuje powszechno chęć na dzielyni sie własnym życiym z resztōm świata. FC, instagram, pinterest… świat zachynco coby pokozać co sie u nas dzieje.

Skōnd sie wziyna moda na selfie?

  • Moda je fest nakręcano przez gwiazdy – w internetach je moc selfioków robionych przez celebrytów. Obocz muzeum Madame Tussauds w Londku – nie Zdroju kaj stoi figura woskowo Kim Kardashian – babka trzimie smartfona i robi se selfie. Śmiychowo 🙂

  • Kożdy teraz mo smartfona a kożdy smartfon mo wihajster do robienio selfie. Technologia sprzyjo auto-knipsom.

Jo tam myśla że trzaskani selfioków ni ma złe do czasu aż kieryś kompulsywnie nie wciepuje takich knipsów na fejsa i w napięciu nie czeko na komcie. Zaburzynia samooceny dycki dobrze lyczyć 😀

Dodaj komentarz