Sezam - małe ziorka ale zocne!
Fyrlok, Tak rychtyk

Sezam – małe ziorka ale zocne!

Dzisio bydzie o sezamie 🙂

Bioły sezam

Chcesz mieć mocne kości? Je taki jedyn ganc leki knif – jydz dziynnie ziorka sezamu. Sezam mo moc wapnia kiery oprócz tego że dobrze działo na kości wspomogo też serducho, działo prociw miażdżycowo i obniżo ciśniyni. A do tych co sie bojōm hercszlagu – sezam to je mus.

Oprócz wapnia te żółtawe ziarynka majōm też moc inkszych minerałów – żelaza, magnezu, fosforu i cynku. Jak eś je niecherski i mosz anymia bo Ci żelaza brakuje to wiysz już jako se pomóc 🙂
Sezam mo witaminy A, K i witaminy z grupy B.
Prowda że zocne to som ziorka?

Sezam - małe ziorka ale zocne!
Sezam mo też kupa białka beztuż jak kiery ni ma miynsok to mu sie fest sprzido dziynnie se pojodać te fajne ziorka.

Olej sezamowy
Do gryfnioków co by chcieli mieć zdrowe biołe zęby bez używanio szkodliwego blendamed white dobry je olej sezamowy. Wybielo zęby i usuwo kamień. Styknie płukać roz dziynnie rano. Przi okazji sie wyzbijo bakteryje i polepszy sie ogólny stan zdrowio.

Co ciekawe, sezam je dobry do tych co sie praje ożrali i na drugi dziyń sie niemrawo czujōm – sezam wspomogo wątroba przez co organizm lepszy sie rozprawio z zatruciym.

Sezam - małe ziorka ale zocne!
Czorny sezam

Czorny sezam to też som ganc zocne ziorka. Czamu?

  • czorny sezam dodowo energie
  • mo moc przeciwutlyniaczy
  • zocnie odżywio mózg
  • dobrze działo na stawy, pomogo w niecherskościach i napięciu
  • jak kiery słabo widzi abo mo suche oczy od siedzynio przed kompem – czorny sezam nojlepszy
  • starość z cholesterolym? Dobrze je dziynnie se pojodać czorny sezam bo obniżo poziom tego pieroństwa

 

Dobre, kończa już dżistać a ida se narychtować koktajl warzywny do kierego se dosuja ziorka sezamu. Mniam! 🙂

Dodaj komentarz