Co rychtujōm w Europie na świynta
Fyrlok, Tak rychtyk

Co rychtujōm w Europie na świynta

Beztuż że Wielkanoc za pasym, chciałach porozprawiać co tam za zocne maszkety sie szykuje u naszych sōmsiadów.

Hiszpania

Nasi europejscy Latino zajodajōm sie potaje de gabanzos – miszōngiym z cieciorki. Poza tym Hiszpanie jedzōm moc maszketów, przede wszyskim torrijas – smażony chlyb ukulany w cukrze i cimcie. Potym buñuelos – malutki pączki z krymym, mona de pascha – drożdżowe ciasto z szekuladowym jajcym w pojszodku.

Co rychtujōm w Europie na świyntaPoza tym świynta obchodzōm fest ze szpasym. Fiesta to fiesta! Pełno je radosnych strojnych procesyjów ale idzie tyż trefić na capirotes – pokutników w szpiczastych kapturach – tradycjo jeszcze ze średniowiecza z czasów inkwizycji. Hiszpanie to majōm fantazyjo 🙂

Węgry

Nasze bratanki to mięsoki FEST. Na piyrsze dani zupa z głowy jagnięcia, na drugi gulasz wołowo-wieprzowy a ku tymu paprykorz z baraniny i udziec barani. Krótko – na Węgry w świynta mi nie po drodze…

Co rychtujōm w Europie na świyntaNorwegia

Tam przajōm jajcōm rychtowanym na roztomajte modły. Ku tymu pojodajōm szynka, solone i suszone żeberka jagnięce i kiełbasa wieprzowo z goździkami, gorczycōm i gałkōm muszkatołowōm. W Wielkanoc nasze północne kamraty lubiōm se tyż pojodać apluzyny!

Co rychtujōm w Europie na świyntaGynał na opak niż my – w Polsce apluzynki królujōm w grudniu. Co arcyciekawe, Norwegowie w świynta wielkanocne zaczytujōm sie w kryminałach! Co mo aji swoja nazwa, Påskekrim. Ekstra przed świętami wydawcy gibko publikują nowe kryminały. I wiedzōm co robiōm bo wszyjscy lecōm drap do księgarń po ksiōnżczyny. Podobo mi sie ta tradycjo 🙂

Grecja

U Greków locōm do kościoła święcić oliwa i oregano. Na ôbiod zajodajōm sie zupōm z baranich abo kozich podrobów z cytrynōm, cwiblom i koprym. Nazywo sie to magirica. Ku tymu idzie kokoreci – baranio wątroba z roztomajtymi przyprawami. A pieczōm to w baranich jelitach… Podle Greków rychtyk zocne maszkety ale jo bych tego nie tkła…

Co rychtujōm w Europie na świynta

Ku tymu moc oliwy z oliwek, gymizów i roztomajtych syrów. A na deser kulurakia – ciasteczka podane do polski chałwy.

Mi tam sie nojbardzi przipodobała kuchnia hiszpańsko a Ciebie? Byłeś kiedy za granicōm bez świynta?

A w tym cołkim szale świōntecznym z fyrlokiym w ręku pamiyntej że umiar to je zocno rzecz!

Ôstŏw ôdpowiydź