Roztomajte kultury w korpo na wesoło
Tak rychtyk

Roztomajte kultury w korpo na wesoło

Korpo, roztomiyłe korpo… Czelendże, tajmingi i dedlajny. Ale ku tymu – moc ciekawych ludzi z roztomajtych krajów! To mi je zocne boch je dociyrno i lubia se posłuchać jako to je w inkszych krajach Europy abo kapka dali, za oceanem. Jako że mom te szczęści robić w otoczeniu fest międzynarodowym, podziela sie moimi spostrzeżeniami.

Roztomajte kultury w korpo na wesołoMeksykanie

Idōm na piyrszy ogiń bo miałach nojwiyncy ciekawych zdarzyń z nimi. Roz że jedyn mie napasztowoł i sie zdało że trza bydzie go zgłosić do kadr bo robiyło sie to fest niecherski. Na szczęści sie usiotoł, stykło pogrozić. Potym znajomo kiero tworzy se w życiu telenowele wszelakij maści. A to kochankowie – samobójcy, a to nieszczęśliwe miłości, cygaństwa, przekręty i sztyjc jakiś łostudy

Nieroz ciężko mi napostyknyć za seriōm wydarzyń… Myśla że spokojnie mogłaby nakręcić swoja wersja „Niewolnice Isaury”. Na początku było śmiysznie, potym jak sie to zaczło dbijać na moim własnym życiu to sie odetłach od owej drama queen. Ni ma co sie dać wciągać w czyiś dziwoki karuzele.

Meksykanie som fest związani z ezoteryką. Fandzolōm o numerologii, znakach zodiaku a z astrologiōm som za pan brat. Ich naprowda interesuje spod jakigo znaku zodiaku żeś je…

Roztomajte kultury w korpo na wesoło
Brytyjczycy
Zaglądajōm na nas z wyrchu i aji sie z tym kryjōm. W Polsce czujōm sie jak w kraju trzecigo świata. Jak widzisz w biurze kogo nadętego i bachratego to pewnie bydzie gościu z Londka.

Roztomajte kultury w korpo na wesoło
Niemce
Przyjazne i sympatyczne kabociorze. Jak to dycki, nie wiysz co tak rychtyk myślōm bo sie sztyjc uśmiechajōm, nawet jak nie trza. Też przijeżdżajom jak do afrykańskigo państewka ale durch ukrywajōm pogarda.

Roztomajte kultury w korpo na wesoło
Hiszpanie
Fest cisnōm że trza dziwoczyć a potym ôroz cisza… To co dali, jadymy z tym projektym czy ni? Uzaś cisza… Arcyciekawe to bo projekt mioł być very important i urgent. To jo już nie wiym… Monej se pójda kawa zrobić?

Roztomajte kultury w korpo na wesoło
Włosi
Mi praje trefiyło robić z typowym i nietypowym Włochym. Z jednej strony lubi motoryzacja. Ku tymu lubi sie też migać i jak co może być nie zrobione to super, trza skorzystać. Mail wysłany, żodyn nie odpisoł to przeca sprawa załatwiono no ni?

Roztomajte kultury w korpo na wesoło
Z drugi strony mo jasno skóra, nie pije kawy ani nie interesuje go fusbal. Na początku jak słuchałach jego pośmiywnych błoznów to sie zdało że dostana hercklekotów ale z czasym prziwykłach. Włoch twierdzi że u nich ludzie majōm ganc inksze poczuci humoru niż Poloki. Na prowda?

A u Ciebie jako to wyglądo? Co tam ciekawego pochajōm ludzie z Twoi roboty?

Dodaj komentarz