Para-impreza i szpacyrek po pagórkach Beskidu Małego
Rajzy

Para-impreza i szpacyrek po pagórkach Beskidu Małego

Prziszeł weekend i czas coby se trocha dychnyć. W sobota na wieczór w Żywcu była impreza paralotniowo z okazji fajrantu na sezon beztuż zebrałach sie i pojechałach. Z nikierymi widziałach sie ostatnio na imprezie w Koninkach w Wyspowym – pozdrowiynia do Joli i Mańka 😉

Nocleg miałach obsztelowany w Czernichowie, blisko Międzybrodzia. Właścicielka trocha fuczała jak wpadłach w środku nocy ale pryndko sie usiotała jak wyciągłach geltasza i zapłaciyłach za nocleg.

Para-impreza i szpacyrek po pagórkach Beskidu Małego

Rano sie zerwałach i heja w świat!

Tak downo nie chodziyłach po górkach że już fest mie ciągło. Smolić że niski pagórki, ważne że sie co dzieje, je świyży luft, lecy kaj klara na niebie i idzie sie przyjemnie zmorzić.

Selfie ni ma piyrszej klasy ale ni mom doświadczynio w trzaskaniu knipsów sama sobie 🙂 Na nic, byda próbować dali przi jaki okazyji.

Para-impreza i szpacyrek po pagórkach Beskidu Małego

Traska lajtowo na rozruszani – Czupel, Magurka i Przegibek, podejści z Czernichowa

Niby nic wielkigo ale piyrszo godzina zleciała na cołkiym ostrym podejściu. Zocnie! 🙂 Pogoda procnie dopisała, było słonecznie i ciepło, trocha wioło ale to i dobrze.

Po paru godzinach zaszłach do schroniska na Magurce naôbiod. Ajerkuchy z jabłkami mmmm… Ludzi na szlakach mało wiela, ale w sumie śmiysznie było bo spotkałach jakigoś kolesia co mie zagodoł i sie zdało że se libsty chledo bo fest był chyntny coby sie zapoznać aji do auta odprowadzić. No ale poklachalimy yny, uśmiychłach sie i poszłach se w swoja strona.

No i tak mi to zlecioł dzionek na szpacyrku po polskich góreczkach, fajnie było i ciesza sie fest że po telki przerwie wybyłach na świyży luft.

Do zobaczynio zaś kaj na górce!

Para-impreza i szpacyrek po pagórkach Beskidu Małego

Para-impreza i szpacyrek po pagórkach Beskidu Małego

Para-impreza i szpacyrek po pagórkach Beskidu Małego

Ôstŏw ôdpowiydź