Moja lista 5 nojzocniejszych miejsc do odwiedzynio
Rajzy

Moja lista 5 nojzocniejszych miejsc do odwiedzynio

Tak rychtyk to mom kupa miejsc co bych chciała obejrzeć, dyć rajzy to je fajno rzecz! Świat je wielki i prawie wszyńdzi je piyknie. Beztuż tak se marza omajlant o roztomajtych gryfnych miejscach. Skiż tego dzisio szlabikuja o moich nojprocniejszych zakōntkach kaj bych chciała rajzować.

1.  Chile

Piyrsze co – Torres del Paine. Ogromny park narodowy położony w Patagonii z nojwiększōm atrakcją – trzyma skałami o wysokości powyżyj 2000 m npm. Ku tymu na obszarze tego parku je moc jezior, gór, strumiyni, wodospadów i ciekawych egzotycznych miejsc jak… lodowce! Godajōm że Torres del Paine to je nojpiykniejszy park narodowy cołkij Ameryki Południowej. Trza tam jechać czym pryndzy!

Moja lista 5 nojzocniejszych miejsc do odwiedzynio

2.  Argentyna

W kraju tango chciałabych obejrzeć przede wszyskim lodowiec Perito. Za moc sie nie byda rozgadywać, knipsa pokazuje co i jako 😉 Do tego wodospady Iguazu – coś niebywałego! Nojwiykszo kaskada – Diabelsko Gardziel – mo 82 metry wysokości beztuż je wyższo od Niagary!

Kiery chce zy mną jechać? Bierymy manele i heja!

Moja lista 5 nojzocniejszych miejsc do odwiedzynio

3.  Azory

Obłędnie piykne portugalski wyspy położone na Atlantyku. Jeziora w kraterach wulkanów? Wysoki klify? Tropikalne lasy? Przyjaźni miejscowi i mało turystów? Nojlepsze burgery wołowe? Taki coś yny na Azorach 🙂 A ku tymu zieleń, zieleń, zieleń i bajeczne krajobrazy…

Moja lista 5 nojzocniejszych miejsc do odwiedzynio

4.  Gruzja

Do ojczyzny chaczapuri chciałabych jechać oczywiście skuli gór – Kaukazu.

Swanetia – wysokogórski rejon z lodowcami i imponujōncymi wierzchołkami a do tego z nojwyższym szczytem Gruzji – Szchara, 5193 m n.p.m! Potym trocha myńszo odizolowano Tuszetia na wschodzie z unikatowōm przyrodōm i sielskimi widokami. No i Kazbek, wiadomo! Górski landszafty som tam nieziemski…

Moja lista 5 nojzocniejszych miejsc do odwiedzynio

5.  Rumunia

W kraju wampirów nojbardzi zocne mi som Karpaty. Góry Rodniański, Marmaroski i oczywiście Fogaraski. W tych ostatnich oprócz trekkingu chciałabych sie też przejechać trasą transfogaraską. Wiyyyym, oklepane. Ale widoki som tak fantastyczne że spłaco sie tak czy siak. Za to zamek Draculi jakoś mie za fest nie pociągo. Postać to była ganc niechersko wiync jo sie tam wola trzimać z daleka 😀 Lepszy se pochodzić po górach!

Moja lista 5 nojzocniejszych miejsc do odwiedzynio

Czy kiery był już w tych miejscach? Jak wrażynia?

Ôstŏw ôdpowiydź