Fyrlok, Tak rychtyk

Miód – zocny antybiotyk

Czujesz sie niechersko, ciōmpy lecōm z nosa i biere cie ryma? Nic yny zakolegować sie z miodym! Miód mo działani wzmacniające i nikiere bakteryje zwalczo lepszy niż antybiotyki. Beztuż jak se chcesz wzmocnić odporność abo wylyczyć kuckani to miód ci na zicher pomoże. O inkszych knifach poczytej tu.

Miód spadziowy

Na kaj jaki niecherskości ganc procnie podziało miód spadziowy. Ku tymu je fest wartościowy skuli tego że mo kupa pierwiastków, aminokwasów i białek. Tyn miodzik je najzdrowszy ze wszyskich ale w odróżnieniu do miodów nektarowych tyn biere sie od mszyc… Ale o tym za moc nie byda rozprawiać, zdrowy je i fajrant 😉

Miód - zocny antybiotyk, apiterapia

Miód lipowy

Na przeziębieni fajnie poradzi tyż miód lipowydziało prociw gorączce i kuckaniu. W szmaku je ganc fajny – wyraźnie czuć lipa!

Miód rzepakowy

Jedyn z najpopularniejszych – miód rzepakowy zocnie działo na układ pokarmowy i układ krążynio, wspomogo serducho. Ku tymu obniżo ciśnieni beztuż jak kiery sie boi hercklekotów to polecōm miodzik rzepakowy 🙂

Apiterapia

Do tych dociyrnych – wiedziołeś że je coś takigo jak apiterapia? Miód je tak zocny że eli momy już miano na lyczyni chorób miodym, propolisem, pyłkiym kwiatowym i mlyczkiem pszczelim.

Wiyncy o apiterapi przeczytosz u Pauliny Chomczyk tukej.

Jydz dziynnie miód a bydziesz mocny i zdrowy!

Miód - zocny antybiotyk, apiterapia

Ôstŏw ôdpowiydź