Mandle na dodani zdrowotności!
Fyrlok, Tak rychtyk

Mandle na dodani zdrowotności!

Czy wiysz że migdały majōm moc wartości odżywczych? To sōm tak zdrowe ziorka że szłoby o nich szlabikować i szlabikować! Ale postarōm sie zmieścić w jednym wpisie 😉

Momy dwa rodzaje mandli, słodki i gorski

Do jedzynio nadowajōm sie te słodki, z gorskich robi sie olej migdałowy. Miarkujemy co też zocnego dajōm nom słodki mandelki 🙂

  • Obniżajōm zły cholesterol LDL przez to że majōm moc zdrowych tłuszczy.

  • Białko, białko, jeszcze roz białko – jak kiery chce mieć fajne muskle a nie chce jeść tela mięsa to mandle to je mus!

Mandle na dodani zdrowotności!

  • Som ganc zocnym źródłym minerałów – cynku, potasu i miedzi. Jja, miedź też nom je potrzebno coby nom sie wchłaniało żelazo i układ krążenio dobrze fungowoł. Poza tym mandle majōm fosfor i wapń.

Chcesz mieć mocne kości – jydz gorść migdałów dziynnie

  • Majōm moc nienasyconych tłuszczy kiere pomogajōm na mózg i serducho.

  • Mandle majōm kupa magnezu o kiery tak ciynżko w codziynnej diecie (no chyba że kiery sztyjc łyko jaki pile z aptyki…).

Mandle na dodani zdrowotności!

  • Pomogajōm żyrokom co praje chcōm schudnyć – majōm moc błonnika i witaminy B. Po błonniku nom sie nie chce jeść a witamina B sprawio że nie chce nom sie wcinać tela maszketów.

  • Mandle majōm aż za tela kwasu foliowego, babkom w ciąży aji nie trza godać że to je fest ważno rzecz.

Czy Cie przekabaciyłach coby jeść mandle? Mom nadzieja że ja! Dbaj o sia, jydz migdały!

Ôstŏw ôdpowiydź