"Mali książęta" - nepalski historyje...
Ksiōnżki

„Mali książęta” – nepalski historyje…

Jako że praje jeżech w Nepalu to postanowiyłach opisać ksiōnżka kiero czytałach przed rajzōm. Uwaga – jak kiery sie gibko wzruszo to bydzie mioł ciężko przi czytaniu.

Od razu chciałach napisać o nojważniejszym przekazie kiery płynie z tej zocnej książczyny.

Jedna osoba może coś zmienić na świecie!

Trza yny determinacji i zapału! Historia głównego bohatera pokazuje że jak sie chce to idzie pomóc wielu ludziōm. Ale po kolei.

Na początku główny bohater fest mie droźniył – taki gupek co to mo fiu bździu w głowie. Ale na szczęści z czasym koleś nabroł rozumu. Piyrsze spędziył 3 miesiące w domu bajtla kole stolice Nepalu – Katmandu. Pomału zaczynoł chytać zajawka. Potym już poszło gładko. Po powrocie du dōm nie umioł zapomnieć o tych kochanych nepalskich bestyjokach i uzaś był nazot, tym razem na długszy. W końcu Amerykaniec zacznył chledać po Nepalu rodziców tych małych sierot i… wiyncy Wom nie powiym!

"Mali książęta" - nepalski historyje...Ksiōnżka mie fest poruszyła i zaczłach sie poważniyj interesować sytuacją dzieci w Nepalu. I wiycie co? Je niedobrze… Jakbyście chcieli sie co wiyncy wywiedzieć to autor założył fundacja co pomogo porywanym abo osieroconym dzieckōm – Next Generation Nepal.

To co, kiery jedzie zy mnōm na wolontariat? 😉

Ôstŏw ôdpowiydź