La Palma - la isla fest bonita! Madonna miała rycht!
Paralotnie, Rajzy

La Palma – la isla fest bonita! Madonna miała rycht!

Na La Palma wybrałach sie bo wysztudyrowałach że tam je cołkiym zocne lotani. Miała być Sardynia ale tam już je kapka zima w grudniu beztuż stanyło na Kanarach.

La Palma - la isla fest bonita! Madonna miała rycht!

Rajza zaczła sie trocha niefortunnie

Na lotnisku na Teneryfie kaj miałach przesiadka jakiś gupi paciulok z obsługi lotniskowej mie ocyganiył że autobus kierym chciałach sie dostać na drugi lotnisko tak rychtyk tam nie jedzie. Pierziński kabociorz se wymyślył że autobus już je za fest pełny i trza co podziałać coby ludzi ubyło. Dojś pryndko sie skapłach że to je cygaństwo no ale było już za nieskoroautobus se pojechoł. Jerona do pierona!

Jako że czasu już nie zostało za wiela stanyła mi przed ślypiami wizja super drogij taxi ale na szczęści poratowali mie znajomi co mieszkajōm na Teneryfie. Dorota i Jacek – dzięki jeszcze roz!

Przyjaciele dowiyźli mie pryndko na drugi lotnisko i w końcu wsiadłach do moigo samolocika Canary Fly na La Palma. Fest sie zdziwiłach że taki cygon szpetny sie trefiył na cywilizowanej hiszpański wyspie kaj ludzie dycki som pomocni. No ale ważne że sie to dobrze skończyło i nie spóźniyłach sie na lot. Po drodze było trocha turbulyncji ale nic to.

La Palma - la isla fest bonita! Madonna miała rycht!

Wyspa okozała sie piykno i ganc zielono
Tak rychtyk to tam je wszyskigo po trochu – morze, plaże, góry, krajobrazy jak z miesiączka, kratery wulkanów i wilgotne zielone lasy. Ganc mi sie spodobało!

La Palma - la isla fest bonita! Madonna miała rycht!

Oprócz lotanio na paralotni idzie tam zocnie porajtować po roztomajtych szlakach trekkingowych. Som trasy wulkaniczne, trasy po tropikalnych lasach abo ścieżki w parku narodowym Caldera de Taburiente. Widoki som jak z obrozka!

La Palma - la isla fest bonita! Madonna miała rycht!

Jednym z fajniejszych miejsc okozały sie Piscinas de Fajana na północy wyspy
To taki basyny z kamiynia kaj idzie sie fajnie popluskać i pobawić z wysokimi falami. Było tak piyknie że siedziałach tam chyba ze dwie godziny i gapiyłach sie na falujące morze. Niesamowite odczucia! Po drodze zahoczyłach o zocny szynk kaj zjadłach nojlepszy na wyspie ôbiod i pomaszkeciyłach zocnie. Jak bydziecie kiedy na La Palmie to wizyta w Asador del Campesino w miejscowości Barlovento to je mus! 🙂

La Palma - la isla fest bonita! Madonna miała rycht!

Fest polecōm też wybrać sie w okolice Roque de Los Muchachos w parku narodowym Caldera de Taburiente. Landszafty som ganc wspaniałe!

La Palma - la isla fest bonita! Madonna miała rycht!

Furgomy!
Lotani było w miejscowości Puerto Naos, na niewielki górce kaj procnie wieje znad morza i beztuż że bez dziyń je ciepło to idzie sie fajnie pokręcić w termice. Do ambitniejszych je opcja przelotów podle wybrzeża – piykno sprawa!

Startowiskiem trzęsōm miejscowi – u nich trza wybulić na opłata startowo ale trza prziznać że chłopoki sie starajōm – startowisko procnie utrzimane, wyłożone porządną matą, wszędzi rękawy i szlajfki co pokazują skōnd wieje, czysto i fajnacko.

Lądowisko też o standardzie mało kanaryjskim – wielki i czyste, bez niespodzianek jak na Teneryfie – bez opuncji czy wielkich kamiyni i krzów.

La Palma - la isla fest bonita! Madonna miała rycht!

Jak yny bydziesz mieć okazja coby jechać na Kanary to polecom La Palma! Na zicher znejdziesz tam coś do sia i wrócisz oczarowany.

Byłeś tyż na jaki kanaryjski wyspie? Co Ty polecosz?

Ôstŏw ôdpowiydź