Knify na ryma - co jeść coby sie ostać zdrowym
Tak rychtyk

Knify na ryma – co jeść coby sie ôstać zdrowym

Skiż tego że teroz je sezon na ryma i co chwila sie słyszy że kogoś zmorzyło, beztuż chciałach sie podzielić moimi zocnymi knifami coby nie być tołt. Yny trza pamiętać że fest ważno je systematyczność, bez tego odporności sie nie wyrobi.

Knobloch
Zabijo kaj jaki bakteryje i grziby. Jedzony dziynnie gwarantuje że u dochtora człowieka nie uznosz i nic sie go nie bydzie imać. Ale ważno rzecz – nie śmisz przesadzać. Jedyn ząbek na dziyń to je dojś. Knobloch je ciężkostrawny beztuż lepszy se nie przeciążać żołōndka za fest. A jak kiery mo niski ciśnieni to też trza dać pozór bo czosnek to ciśniyni obniżo.

Mój knif
Nojlepszy knobloch przeciś przez praska eli porzymcigać drobno i ôstawić na 10 minut, po tym czasie i w tej rozdrobnionej formie bydzie mioł nojlepsze działani.

Knify na ryma - co jeść coby sie ostać zdrowymMiód

Dziynnie dodowej do tyju abo koktajli i na zicher sie ôstaniesz zdrowy. Yny dej se pozór coby go nie wkidnyć do fest wrawej wody bo miodzik straci swoi właściwości. Doczkej aż Ci tyj trocha ochłōdnie. Jakbyś sie chcioł wywiedzieć wiyncy to o miodzie szrajbowałach w tym poście.

Zezwór
Nojlepszy se go pogryzać na surowo abo dodować do owocowych miszōngów czy musli. Dobrze też wciepnyć se plasterki do herbaty, wtedy tak nie poli 🙂 Oprócz działanio prociw zapalnego, imbir rozgrzywo beztuż fajnie pomogo jak kiery je zmarzlaty. Wiyncy o zezworze tukej.

Knify na ryma - co jeść coby sie ostać zdrowymCzystek

Już sie zrobiył ganc popularny w Polsce co mie fest raduje! To je ganc wszechstronne ziółko i pite dziynnie zapewnio mocne zdrowi. Z ciekawostek – napar z czystka wybielo zymby!

Czystek je jednym z zocniejszych lykarstw na borelioza

Nagietek
Mo mocne działani antybakteryjne. Tyj z nagietka nojsmaczniejszy ni ma ale spłaci sie go pić bo wzmacnio, pomogo wątrobie, osłanio żołōndek i poprawio stan skóry – kobitki sie ucieszōm.

A Ty jaki mosz knify?

PS. Nie zapomni sie uśmiychnyć bo to tyż wzmacnio odporność 😉

Knify na ryma - co jeść coby sie ostać zdrowym

2 comments

  1. 11 listopada 2016 at 5:14 po połedniu

    Fajno lista, wszystko zocne 🙂
    Jo bych jeszcze dodała witamina D – bardzo pomogo na odporność, a w naszym klimacie wszyscy momy niedobory.

  2. Inkszo

    12 listopada 2016 at 9:10 rano

    Łykom witamina D3. Ale tak rychtyk to nojlepszy wybyć kaj do ciepłych miejsc jak u nas słota i deszcze. Bele do najstympnej rajzy! 😉

Ôstŏw ôdpowiydź