Zocne knify na energetyczne rano
Tak rychtyk

Zocne knify na energetyczne rano

Mosz też tak nikiedy że ci sie nie chce zwlyc rano z pryka a tu trza zaś ciś do korpo? Dziepro połowa tydnia a kaj tam sobota… Polecōm moi sprawdzone knify na taki okoliczności.
Rano wcale ni musi być taki złe!
  • Na wieczór wszysko rób pomału, nie rompluj już i nie dziwocz, zapol se świyczka coby se zrobić zocny klimat.

  • Przed spaniym nie szteruj sie niecherskimi myślami nad starościami, przeszłościom, kredytem, gupiōm godkōm z szefem itp.

Lygej z pozytywnymi myślami a obudzisz sie w dobrym stanie, pełny energii do działanio.

  • Rano przeciągej sie jeszcze w łóżku – to cie pobudzi i do sygnał musklōm że po leku trza być nazot w świecie żywych.

Zocne knify na energetyczne rano

  • Migiym odsłoń okno i wpuść światło – twój mózg dostanie sygnał że ni ma zmiłuj, trza stować.

  • Woda z miodym i cytrynōm – zocnie pobudzo! Ku tymu rozgrzewo w zima abo chłodzi bez lato, zależy jako se narychtujesz.

  • Napój z ciemnego kakao – ku tymu dociep miód i sezam i mosz energia na najbliższe godziny. Zocno alternatywa do wody z cytrynōm.

  • Włącz ulubiono wesoło muzyka. Żodnych smętów!

Zocne knify na energetyczne rano

  • Ważne je pożywne śniodanihaberfloki, jajecznica, koktajle warzywno – owocowe czy co tam kiery woli.

Na głodnego ni ma co sie ruszać z doma bo pryndko braknie ci energii skiż tego że organizm bydzie pobiyroł zapasy ze spanio.

A Ty jaki mosz knify na ranne niemoce? 🙂

Ôstŏw ôdpowiydź