Tak rychtyk

Knify coby nie marnować jedzynio

Wpis na czasie bo praje momy świynta wiync czas kaj sie rychtuje za moc jedzynio. Czy wiysz że podle statystyk ludzie w Polsce wyciepujom dycko bez rok ponad 2 miliony ton jodła? Aż se to ciynżko forsztelować… Co ciekawe, nojwiyncy marnuje sie chleba i roztomajtych wypieków. No to co robić coby nie dokłodać sie do tych niecherskich danych?

  • Nie rób zakupów na głodnego bo kupisz wiyncy niż ci tak rychtyk trza.
  • Kupisz za moc chleba? Zamróź, bydzie na zaś. Jak już mosz czyrstwy chlyb to narychtuj z niego tosty abo pokrej na kosteczki, bydom szpyrki do zupy.
  • Kombinuj! Zostały Ci zimioki z obiadu? Obszteluj placki na drugi dziyń. Jabka już nie chrupiom a banan szczernioł? Wciepni do blyndera, bydzie koktajl. Tak idzie wymyślać bez końca…
  • Kupuj podle listy, nie dowej sie nabrać na promocje typu ‘3 w cenie 2’.

  • Odrung w lodówce to je mus. Gymiza trzimej w dolnej półce a bajlaga przekłodej z miyszka foliowego do pudełka. Co nie bydziesz hned jeść, wroź do zamrażarki.
  • Ukłodej jedzyni podle daty ważności, niech je pod rękom to co łobstanie najkrótszy.
  • Zakoleguj sie z opakowaniami próżniowymi, jedzyni bydzie długszy świyże.

Nasze dziynne zwyki rychtyk majom znaczyni. Na świecie wywalo sie 1/3 jedzynio… Kupujmy z rozumym! Wybory przeciętnego Kowalskigo też sie liczom!

About The Author

Dodaj komentarz