Haberfloki - na kaj jaki niecherskości!
Fyrlok

Haberfloki – na kaj jaki niecherskości!

Czy haberfloki kojarzōm ci sie z niecherskimi wspomnieniami z czasów bajtla jak to muter napasztowała cie lajerōm „Zjydz wreszcie ta owsianka bo je zdrowo!”? Miała recht!

Dej se pokój z koszmarami z dzieciństwa i przekonej sie do płatków na nowo!

Co Ci z tego przidzie?

Haberfloki majōm kupa witamin z grupy B a do tego magnez i selen

Haberfloki - na kaj jaki niecherskości!

  • Chciałabyś co schudnyć? Haberfloki ci pomogōm beztuż że majōm moc błonnika. Ku tymu jeszcze pomogajōm jelitom i regulujōm kwasy solne w żołōndku. Nigdy wiyncy zgagi!
  • Ôwies mo moc zdrowych nienasyconych kwasów tłuszczowych w tym kwas oleinowy kiery zocnie działo na serce i ônaczy cholesterol.
  • Ôwsianka je dobro do tych co sie lubiōm ruszać – je fest odżywczo, syci na długo a węglowodany dodowajōm moc energie. A jak czujesz że sztyjc brakuje mocy, miarkuj.

Dobro wiadomość do kobitek – kwas pantotenowy z haberfloków poprawio stan skóry, włosiąt i paznokci.

A jakbyś chciała sie co wiyncy wywiedzieć jako gibko poprawić stan włosów luknij tukej.

Haberfloki - na kaj jaki niecherskości!Miarkuj

Jo je prociw piciu mlyka beztuż do zalywanio habefloków dycki używōm wody, nikiedy ewentualnie wkidna jogurt naturalny. Owsianki nie zalywej wrzątkiem, lepszy trocha doczkać, tak co woda bydzie chłodniejszo.

Do haberfloków dociepni mandle, ziorka banie, sezam, słonecznik i jaki ôwoc co mosz praje pod rękōm, na przykład awokado. Jak se chcesz trocha posłodzić to dociepni miodu eli żurawiny i ruzynek. Jo se dycki jeszcze sypia ciemne kakao bo lubia 🙂

To co, zalywomy haberfloki?

Ôstŏw ôdpowiydź