Fyrlok

Haberfloki – na kaj jaki niecherskości!

Czy haberfloki kojarzą ci sie z niemiłymi wspomnieniami z czasów bajtla jak to muter napasztowała cie lajerom „Zjydz wreszcie ta owsianka bo je zdrowo!”? Miała recht! Dej se pokój z koszmarami z dzieciństwa i przekonej sie do płatków na nowo!

  • Haberfloki majom kupa witamin z grupy B a do tego magnez i selen – pomogajom naszymu układowi nerwowymu i sercu. Depresja? Żyń do sklepu po płatki!
  • Płatki owsiane to zocne źródło białka beztuż jak kiery ni ma mięsok to owies je procną alternatywą.

  • Chciałabyś co schudnyć? Haberfloki ci pomogom beztuż że majom moc błonnika. Ku tymu jeszcze pomogajom jelitom i regulujom kwasy solne w żoładku. Nigdy wiyncy zgagi!
  • Owies mo moc zdrowych nienasyconych kwasów tłuszczowych w tym kwas oleinowy kiery zocnie działo na serce i onaczy cholesterol.
  • Owsianka je dobro do tych co sie lubiom ruszać – je fest odżywczo, syci na długo a węglowodany dodowajom moc energii.
  • Dobro wiadomość do kobitek – kwas pantotenowy z haberfloków poprawio stan skóry, włosiąt i paznokci.

Miarkuj. Jo je prociw piciu mlyka beztuż do zalywanio habefloków najczęściej używom wody, czasym ewentualnie zamiast wody wkidna jogurt naturalny. Owsianki nie zalywej wrzątkiem, lepszy trocha doczkać, tak co woda bydzie chłodniejszo. Do haberfloków dociepni mandle, ziorka banie, sezam, słonecznik i jaki owoc co mosz pod rękom. Jak se chcesz trocha posłodzić to dociepni miodu abo żurawiny i ruzynek. Jo se nieroz jeszcze sypia ciemne kakao bo lubia 🙂

To co, zalywomy habefloki?

About The Author

Dodaj komentarz