Ksiōnżki, Tak rychtyk

Czytomy ksionżki!

Zimowe długi wieczory szczęśliwie za nami ale za to prziszeł czas urlopowy beztuż bydzie wiyncy czasu na sztudyrowani ksionżek 🙂 Jak kiery przaje mieć laba na urlopie to na zicher znejdzie czas coby poczytać to i owo. A spłaco sie fest!

  • Czytani odprężo eli pomogo przetrwać trudne chwile. Ksionżki przenoszą w inkszy świat i łoroz człowiek zapomino o swoich starościach. Łońskigo roku mie ksionżki zocnie poratowały w moim prywatnym kołowrocie… Sprawdzone, potwierdzone!

 

  • Sztudyrowani dodowo pewności siebie bo jak człowiek je oczytany i mo recht to leko mu idzie wypowiadać sie w towarzystwie na moc roztomajtych tematów.

  • Ksionżki onaczom charakter i osobowość – nie yno rozchodzi sie o te psychologiczne. Przi czytaniu choby obyczajówek ocyniomy bohaterów przez co weryfikujemy własne sumieni i poglądy. Poza tym mogymy sie moc nauczyć na błędach ksionżkowych postaci i zajrzeć na swoi własne życi z inkszej perspektywy.

  • Ksionżki poszerzajom anong o świecie. Człowiek oczytany to człowiek mondry. Toć że samo sztudyrowani ksionżek w życiu nie styknie ale na zicher fest pomogo!

  • Czytani zbliżo ludzi. Spróbuj na wieczór siednyć i posztudryować na głos ze swoim galanym. Bydzie zocny tymat do szwandranio! No a drugo rzecz że z mondrom osobom bardzi rady sie chodzi do łóżka 😉

Czytani je we wercie!

About The Author

Dodaj komentarz