Co idzie obejrzeć w typowych berichtach co to omajlant nadowajōm w Gorolowicach?
Ano na zicher jak konkubent zaciukoł swoja zmierzło konkubina. Potym trzyńsiyni ziemie w Indonezji. Bydzie też o pożarze w Łodzi i niecherskościach w polityce. Jak chcesz być obcykany z wypadkami drogowymi to dziynnie usłyszysz kiery umrzył a kiery sie obstoł ale ledwa dycho.
Dobre, to teraz onet. Jedna sebleczono frelka. Nastympno. Za chwila trzecio. Oho, Paris Hilton mo nowego bzuta w taszce.
Jennifer Lopez nagrała blank nowy teledysk kaj trzyńsie swojōm najdroższom żiciom świata
Jakiś leloń próbuje wcisnyć kit że idzie mu śpiywani.
Potym pora wieści z polityki, trocha katastrof, ożyrok pobiył drugi ożyroka i tak to sie wyłanio obrozek ônetu. Na interii gynał to samo.
Piernika, nie zdzierża… Zaczłach sznupać po jakich inkszych stronach kaj idzie sie co wywiedzieć bez szarganio nerwów. Ale rōncz co otworzyłach, zaloły mie wieści o wojnie, głodzie, hajach i breweryjach.
Durch to samo…
Dałach se spokój z tym pieroństwym bo sie poczułach ganc ściorano i zaczłach pyndym chledać wihajstra co by wyłączyć kompa.
Nie chcesz dostać hercklekotów i chcesz być zdrowszy? To rałs z pierzińskimi berichtami! Lepszy idź kaj na szpacyr, poczytej mōndro ksiōnżka abo zadzwoń do jakigo kamrata.
Smol berichta!
at
Zgodza sie poza jednym… co Ci wadzom te sebleczone frelki na onecie? Hercklekotow od nich nie dostana wrecz przeciwnie.
A tak na powaznie to masz 100% racji 😉
at
Na szczęści sebleczone chłopy też sie zdarzajom beztuż do kożdego coś sie znejdzie 😉
Z berichtami jeżech tak na bakier że jakby sie mie kiery spytom co sie teroz na świecie dzieje to nic nie wiym. Taki zy mie ignorant z premedytacjom 😉