4 powody czamu zezwór je taki zocny
Fyrlok, Tak rychtyk

4 powody czamu zezwór je taki zocny

Beztuż że momy środek zimy i co chwila kieryś chodzi niecherski i smarkaty, najwyższy czas zacznyć sie retować imbirym bo to je blank zdrowy korzyń i pomogo niemrawym lebiodōm. Jak nie chcesz coby Cie brały niecherskosci, to zezwór i miód dziynnie to je mus.

Oprócz działanio wzmacniającego i prociw przeziębieniowego imbir mo kupa kaj jakich zocnych właściwości

1.  Rozgrzywo! Do mie to je wybawiyni w te zimowe dni jak wieje, padze śniyg i temperatura je na minusie. Zezwór w kuchyni je sztyjc pod rykōm 🙂 Dycki tyż se parza tyj imbirowo-miodowy, polecōm!

2.  Poprawio trowiyni skuli tego, że olejki imbiru wspomogajōm wydzielani śliny i soków żołōndkowych. Założa sie że som tu tacy co chledajōm knifów coby schudnyć? 😉

4 powody czamu zezwór je taki zocny

Continue Reading…

Mandle na dodani zdrowotności!
Fyrlok, Tak rychtyk

Mandle na dodani zdrowotności!

Czy wiysz że migdały majōm moc wartości odżywczych? To sōm tak zdrowe ziorka że szłoby o nich szlabikować i szlabikować! Ale postarōm sie zmieścić w jednym wpisie 😉

Momy dwa rodzaje mandli, słodki i gorski

Do jedzynio nadowajōm sie te słodki, z gorskich robi sie olej migdałowy. Miarkujemy co też zocnego dajōm nom słodki mandelki 🙂

  • Obniżajōm zły cholesterol LDL przez to że majōm moc zdrowych tłuszczy.

Continue Reading…

Mój ulubiony jabczok z piankōm
Fyrlok

Mój ulubiony jabczok z piankōm

Składniki:
  • 3 jajca
  • 3 szolki mąki
  • 1 szolka cukru
  • 1 łeżyczka bakpulwru
  • cukier waniliowy
  • 25 dag łomasty
  • budyń waniliowy
  • 1-2 łeżyczki kakao
  • 1 kg jabłek

 

Oddzielić biołka od żółtek. Mąka utrzyć z łomastom, dociepnyć pół szolki cukru, bakpulwer, cukier waniliowy, żółtka i wyrobić ciasto.

Mój ulubiony jabczok z piankōm

Forma o wymiarach 25x36cm poszmarować łomastom i wyłożyć 3/4 ciasta. Do reszty ciasta dosuć kakao i ostawić na kruszonka. Nojlepszy wsadzić kakaowe ciasto do zamrażarki na chwila co by sie potym leko trzyło.

Biołka ubić na sztywno piana, dociepnyć reszta cukru (pół szolki) i sztyjc ubijać. Na koniec do miszōnga wsuć budyń i pomału, po leku wymiyszać.

Na cieście rozłożyć potrzyte jabłka, na to ubito piana a na wyrch potrzyć kruszonka z ciymnego ciasta.

Piekarok nasztelować na 180 stopni i piyc 45 minut.

MNIAAAAM! 🙂

 

Zacznij dziyń od szolki wody!
Fyrlok

Zacznij dziyń od szolki wody!

Abo jeszcze lepszy – od szolki ciepłej wody. To je ganc zocny zwyk! Wyduldani wody z rana pomogo rozprawić sie z toksynami w organiźmie i je dobre na rozruszani niemrawego żołōndka po nocy.

Woda z cytrynōm pomogo oczyścić organizm, dodowo energie i polepszo trowiyni. Ku tymu dobrze działo na myślyni!
Kobitki! Achtung, achtung! Tako woda poprawio stan skóry aji idzie schudnyć jak sie omajlant pije tako woda z rana!

Continue Reading…