"Byle dalej. W 888 dni dookoła świata" M. Owczarek, B. Skowroński
Ksiōnżki

„Byle dalej. W 888 dni dookoła świata” M. Owczarek, B. Skowroński

Nastympno fajno ksiōnżka o rajzach po świecie. Azja, Australia, Ameryka Południowo… co yno idzie nawynōkwiać.

Pora wrazidlatych ludzi, on i ona, stwierdzyli że to smolōm, ciepli wszysko i ruszyli w świat

Przigód mieli po drodze co nie miara! Fest mi sie spodobało że te rojble tak rajtowały po zapadłych dziurach – nie do nich zocne hotele i turystyczne miejsca kaj sie idzie wygrzoć na leżakach. Nieroz im było do śmiychu ale też mieli lichsze momynty.

Jak dziołcha kostur złomała to małowiela do Polski nie wróciyli pojszodku rajzy. Ale zowizo przi czytaniu aż sie chce fliger obsztalować! Jakby kiery potrzebowoł kopnioka żeby w rajza uderzać to niech se poczyto ksiōnżka tych waryjotów, zaros człowiekowi bije na dekel i usiedzieć w miejscu sie nie do.

Hejaa!

Ôstŏw ôdpowiydź