Tak rychtyk

8 knifów na dobre spani

Powiym Wom że dycki miałach problym coby sie porzondnie wyspać. Roncz mie bele co budziyło w nocy, wczas rano też już za bardzo nie szło oka zmrużyć, co drugo noc jakiś pofyrtane bałamonty mi sie śniyły… A potym bez dziyń sztyjc mie spani brało. Darymne, trza było jakoś tymu zaradzić. Obocz moi knify, jak też Ci doskwiyro niecherski spani to na zicher Ci sie to sprzido:

1. NIE NERWUJ SIE TELA. Jak człowiek chodzi zestresowany i tyro cołki dziyń to ciyżko sie potym wyłączyć i zdrowo pospać. Czy te wszyski duperszwance rychtyk som taki ważne? Dej se pokój, za pora miesiyncy ani nie bydziesz o tym pamiętać…

2. Miyj porzondny materac i zocno poduszka. Ni ma mowy cobyś sie wyspoł na wąskij, trzeszczącej wersalce. Rałs z takimi klamotami!

3. Nie pij kawy na wieczór. To sie tyczy też kaj jakich napojów pobudzających, w tym… zielonego tyju. Ta herbata lepszy se zaparzić do połednia.

4. Przeluftuj se porzondnie sypialnia.

sypialnia-2

5. Niechej komputer i telefon przinajmniyj na godzina przed spaniym. Niech Twoja głowa wiy że to już szlus na dzisio i trza sie szykować do spanio.

6. Pogoś wszyski światełka z urządzyń i zasłoń dobrze okna cobyś mioł ćma. Wtedy organizm sie nojlepszy regeneruje.

7. Siedni se a zaczni pomału dychać, nic wiyncy. Nie kombinuj już nad niczym i postarej sie wyciszyć. Jak chcesz to se puś jako spokojno muzyka.

8. Na fajrant mój niezawodny knif nad knify – MASAŻ STÓP! Obocz co sie bydzie dzioło jak Ci kiery fajnie szłapki wymasuje!

To yno nikiere z roztomajtych zocnych knifów kierymi sie idzie poratować coby lepszy spać. A jaki som Twoi?

masaz-stop

About The Author

One comment

  1. 16 grudnia 2016 at 11:14 am

    Jeszcze magnez, oczywiście 🙂 Niedobory tego minerału też sprawiają, że człowiek niespokojnie śpi.

Dodaj komentarz