fbpx
5 zalet lynu kiere trza znać
Fyrlok, Tak rychtyk

5 zalet lynu kiere trza znać

Ziarynka lynu – siymię lniane – to je coś, co mo kupa zocnych właściwości. Lyn je dobry na wszysko a ku tymu je naturalny, łacny i dostympny w roztomajtych geszeftach, choć jo polecōm tyn, bo je sprawdzony i porzōndny.

Obcyrkluj

1.  Nawilżo od środkaskóra robi sie gładszo i nie trza ciaprać tela krymów. Sprawdzone i potwierdzone przezy mie!

2.  Fajnie działo na włosy, wzmacnio i sprawio że sie piyknie blyszczōm. Paznokcie tyż som mocniejsze! Zaś sama potwierdzōm.

3.  Mo moc błonnika beztuż nie chce sie tela jeś. Do tego błonnik poprawio trowiyni.

4.  Lyn wyścielo układ pokarmowy od środka wiync jak mosz niecherski żołōndek to migiym jydz lyn!

5.  Mo kupa kwasów omega o kiere ciyżko w inkszym jedzyniu chyba że kiery sztyjc pojodo ryby. Kwasy omega som dobre na serce i działajōm prociw rakowi.

5 zalet lynu kiere trza znać

Mom dwa zocne przikozania co do lynu
Rychtowani

Po połedniu zalyj 2 łeżyczki lynu przegotowanom letnom wodōm i pofyrlej. Niech se to stoi pora godzin i na wieczór wyduldej przed spaniym. Ważne coby pić lyn cuzamyn z wodōm skuli błonnika, a drugo rzecz, że taki lyn bydzie sie lepszy prziswajoł.

Zmiel se te ziorka

Lepszy nie kupować lynu już zmielonego i odtłuszczonego bo mo malućko wartości odżywczych. Kup całe ziarynka i zmiel se to sama, wtedy bydziesz mieć nojwiyncy dobrego. Jak ni mosz młynka to pij wywar z całych ziarynek, lepsze to niż sklepowy odtłuszczony lyn.

Jak nie chcesz lotać po dochtorach i wydować kupa geltu w aptykach, zacznij omajlant jeś lyn. Wiyncy, przekabać swoja familijŏ coby też zaczła regularnie se popijać lyn z wodōm. Bydziecie zdrowi i radzi!

Ôstŏw ôdpowiydź