5 rzeczy kiere miałach usłyszeć jak ech była siksōm
Tak rychtyk

5 rzeczy kiere miałach usłyszeć jak ech była siksōm

Jak sie mie kiery pyto czy bych nie chciała mieć zaś ozimnoście lot to gibko godōm że ni! Kaj by też! Yno nie to! Gupio byłach i nieroztropno! No chyba że…

Kieby mi kiery padoł piyrwyj te pora rzeczy. Ajnfachowe a jaki wożne!

 1. Przestoń sie tela tropić i zacznij mieć wiyncy uciechy w życiu!
To że sie mierzisz niczego nie zmiyni a yny pogorszy. A jak wyluzujesz to zaros ci wszysko na zicher pójdzie z górki. Sprawdzone na własnym puklu!

5 rzeczy kiere miałach usłyszeć jak ech była siksōm2.  Nigdy nie poświyncej swoigo zdrowio skuli życio zawodowego

A tym bardzi nie poświyncej zdrowio na rzecz etatu w korpoŚwiat je przeciekawy, je tela do odkrycio że szkoda mitrynżyć czas na nadgodziny, robota w weekendy i harowani jak wściekły osioł. A ku tymu łeb jak fōnt marasu. Do luftu z tym!

5 rzeczy kiere miałach usłyszeć jak ech była siksōm
Szkoda podupaść na zdrowiu przez pieroński dedlajny, moc roboty, wartki dziwoczyni z roztomajtymi taskami kiere tak rychtyk za rok już sie nie bydōm liczyć. A za piyńć lot? Kiery bydzie pamiętoł jako to Gryjta, Pieter czy inkszy Lojzik sie zarzinali w robocie tracąc zdrowi i chęci do życio? Po próżnicy tako robota.
Nie dej sie osztrabować! Jak mosz niechersko robota to jom gibko zmiyń bo ŻYCI JE YNY JEDNO!

3. Dej pozór na „jakość” swoich myśli – pacz sie tego o czym rozmyślosz

Lajera nad negatywnymi rzeczami nie przynosi niczego zocnego a yny dobijo i sprawio że sie żyć odechciywo. Niechej młócić omajlant ta sama słōma.

5 rzeczy kiere miałach usłyszeć jak ech była siksōm4. Nojważniejsi w życiu som ludzie

No i szlus, tela w tymacie.

5 rzeczy kiere miałach usłyszeć jak ech była siksōm5.  Życi je dycki TU I TEROZ, ni wczora, ni jutro ani niy za tydziyń 

Kajś usłyszałach mōndre zdani – ni mom wiela wiyncy niż ta chwila kiero sie teroz dzieje. Betuż ni ma co sie sztyjc napasztować tym co poszło niechersko rok do zadku eli co może sie zpipczyć jutro na szychcie bo nom wiela z tego żywota nie zostanie.

A Ty co byś chcioł żeby Ci pedzieli na poczōntku dorosłości?

Dodaj komentarz