5 podstawowch knifów coby być uważnym
Tak rychtyk

5 podstawowch knifów coby być uważnym

Skuli roztomajtych problymów w życiu, jakiś czas tymu fest sie zainteresowałach tom całōm uważnościōm co to je tako modno ostatnio. Nasztudyrowałach sie o tym kupa i godōm Ci – działo. Jak chciołbyś być spokojniejszy i rady z życio to mom pora procnych knifów kiere na zicher sie sprzidajōm. Obocz.

1.  Tu i teroz
Jak sie kapniesz że właśnie rozmyślosz nad duperszwancami co już były abo bydōm, pomału skieruj sie na bieżąco chwila. Tak sie skłodo że nic inkszego ni mosz, Twoi życi to tak rychtyk ta chwila co sie teroz dzieje.

2.  Akceptacja
Zaakceptuj rzeczy taki jaki som. To nie znaczy że one sie nie zmiyniōm i tak ostanōm. Yno zaakceptuj to co sie dzieje, bydziesz spokojniejszy i nic Cie nie bydzie rōncz wyprowadzać z równowagi.

 5 podstawowch knifów coby być uważnym

3.  Odpuszczani
Próbuj nie przywiązywać sie do myśli i pragnień. Rałs z kontrolowaniem wszyskigo i wszyskich naokoło. Wartko poczujesz sie leko na duchu.

4.  Nieoceniani
Zaglōndej na swoi myśli i emocje ale nie ocyniej ich. Ni ma co być do sia surowym, z tego jeszcze nic dobrego żodnymu nie prziszło poza rozgoryczyniym.

5.  Celebrowani
Trenuj skupiani uwagi na przijemnych wrażyniach jaki Ci sie dziynnie trefiajōm. Nie dziwocz tak, jydz pomału, szmakuj kawa z rana, szpacyruj po leku. Hned zmiarkujesz że Ci sie lepszy żyje.

5 podstawowch knifów coby być uważnym

To som taki podstawy podstaw. A coby to wszysko wdrożyć, pomalućku trza praktykować, dziyń w dziyń próbować i sie nie zniechyncać jak co nie wyńdzie. Być do sia dobrym i traktuj sie z życzliwościōm. Świadomie pacz sie chwili co teroz trwo bez ocynianio tego co sie dzieje.

Hned bydziesz widzieć jak Ci sie zocnie żyje 🙂

Ôstŏw ôdpowiydź