Fyrlok, Tak rychtyk

4 powody czamu imbir je taki zocny

Jako że momy środek zimy i co chwila kieryś chodzi niecherski i smarkaty, najwyższy czas zacznyć sie ratować imbirym bo to je blank zdrowy korzyń i pomogo niemrawym lebiodōm. Jak nie chcesz coby Cie niecherskoci brały to imbir i miód dziynnie to je mus.

Oprócz działanio wzmacniającego i prociw przeziębieniowego imbir mo kupa kaj jakich zocnych właściwości

1.  Rozgrzywo! Do mie to je wybawiyni w te zimowe dni jak wieje, padze śniyg i temperatura je na minusie. Imbir w kuchyni je sztyjc pod rękōm!

2.  Poprawio trowiyni przez to że olejki imbiru wspomogajōm wydzielani śliny i soków żołōndkowych. Założa sie że som tu tacy co chledajōm knifów coby schudnyć? 😉

4 powody czamu imbir je taki zocny

3.  Działo prociw nowotworowo aji też wspomago leczyni raka skuli tego że szkodzi komórkom rakowym. Ważno rzecz!

4.  Przez to że wspomago krążeni krwie, polepszo też ukrwieni mózgu. Beztuż fajnie działo na koncentracjo i wydajność mózgu.

Imbir mogymy dostać jako korzyń, w proszku abo też marynowany. Jo polecōm imbir na surowo a nie tam zmielony z tytki. Jo se przegryzōm abo ewentualnie wciepuja plasterki do tyju. Ludzie sie krziwiōm i dziwujōm jak se tak chrupia tyn mój imbir ale jo sztyjc godōm że idzie prziwyknyć że tak trocha piecze. W takij formie on mo nojwiyncy właściwości. Yno nie idzie przesadzać! Jak to dycko ze wszyskim.

Ida se zaros nawarzić tyju a wciepna se tam imbir. Bydzie ciepełko w tyn zimowy wieczór 🙂

2 comments

  1. Styczeń 2017 at 5:53 pm

    Ja jo tyż lubia to co na tym łobrozku, yno niy wiym czamu godosz o imbirze. Dyć to je zezwór! 😉

    1. Inkszo

      Styczeń 2017 at 8:57 am

      Zezwór??? Piyrsze słysza 😀 Monej pochodzimy z inkszych czyńści Śląska? Spytom sie zaros mutra czy miarkuje co to je tyn zezwór 🙂

Dodaj komentarz