11 rzeczy kiere dziynnie robia i Ciebie też polecōm. Czyńść 1
Tak rychtyk

11 rzeczy kiere dziynnie robia i Ciebie też polecōm. Czyńść 1

Jak Ci sie zdo że to bydzie wpis o tym że myja zęby i maluja rzęsy to króliki Ci sie kocōm 😀 To bydzie o czym ganc inkszym.

Wysztudyrowałach 11 rzeczy kiere robia dziynnie choby nie wiym co. Czy leje i je szaro za oknym, czy to w robocie był kołowrót, czy ida na tryning i jakoś tak sie wroz zrobiyło nieskoro, noc mie zastała… dycki znajda czas coby robić te rzeczy. Czamu? Bo sie ogromnie spłaco!

Spróbuj som to obejrzysz co sie zrobi z Twoim życiem!

1.  Kożde rano jak sie budza to od razu se godōm za co jeżech wdzięczno. Krótko i konkretnie bo trocha żech je zbałamōncono po spaniu ale OMAJLANT, DZIYNNIE, SZTYJC A JEDNAKO.

2.  W drodze na korpo – szychta powtarzōm se moi roztomajte pozytywne hasła: że jeżech zdrowo, moga zrobić z moim żywotym co yno mi sie podobo, mom rodzina i zocnych znajomych, na wieczór se porobia co fajnego… moc tego je tak rychtyk.

3.  Jak jym to jym. Starōm sie czuć szmak, woniōm czym mi to jedzyni pachnie i absolutnie nie sprawdzōm fejsa ani maila w tym czasie!

11 rzeczy kiere dziynnie robia i Ciebie też polecōm. Czyńść 14.  Ruszōm sie. Dycko abo ida na trening moi akrobatyki na rurze, rozciągani abo salsa. Do tego szpacyry do roboty i nazot, auta bez tydzień nie ruszōm. Zowdy  sie lepszy żyje jak człowiek je sprawny.

5.  Dbōm o to coby sie zasztopować piyrwyj palna co negatywnego abo zaczna buczeć. Nie zawsze mi wychodzi ale starōm sie jak moga 🙂

6.  Kontroluja to o czym myśla. Jak mi sie zaczyno bałamōncić i myśla negatywnie to pomału próbuja to niechać i zacznyć myśleć o czym pozytywnym.

Dobre, tela na dzisio. Hned wciepna drugo czyńść.

11 rzeczy kiere dziynnie robia i Ciebie też polecōm. Czyńść 1

Ôstŏw ôdpowiydź